نخــاف…
Yoldez Ben Saâd - يلدز بن سعدنخاف...
نخاف المدة تطوال بيا و انتي ما ترجع ليا...
نخاف المدة تطوال بيا و الجرح ما يبرا...
نخاف المدة تطوال و الوجيعة تزيد، و تزيد، و تزيييد...
قتلك من قبل اللي أنا نخاف...
ما نخافش على روحي...
ما نخافش من برشا حاجات...
أما نخاف من الوجيعة...
نخاف من الليالي اللي عديتها نبكي وحدي في ظلمتها تزيد تطوال بيا...
نخاف من الليالي اللي ماعادش بش نعديها معاك...
نخاف منك و عليك...
نخاف نزيد نهون عليك...
نخاف ما تلقى اللي يحس بيك...
نخاف نزيد نفقد ثيقتي بروحي و باللي دايرين بيا...
ما نحب غيرك يملى عينيا...
يا روحي و جواجيا...
يا عمري و مامو عينيا...
مش تقلي إنتي بنتي و تخاف علي ؟
ملا إيجا و نحيلي ها الخوف اللي ساكن فيا...
إرجع و طمني يا غالي يا عزيز علي....
يلدز بن سعد
Website Design Brisbane