الدنيا خايبة والناس أخيب،،،عباد ما تعرفهمش ما يخلو ما يقولوا فيك،،وناس متعرفهمش من كلمة السلام يحبوك،،

هذي الدنيا الغدارة اللي نعيش فيها على خاطر فكرة الإنتحار حرام،،هذاكا علاش قاعدين صابرين ساكتين على ظلمها وظلم ناسها،،اللي ما يعرفنيش يقول شبيها متكبرة،،شبيها نفخة ،،شبيها كي تكلمها تحكي معاك كلمة وقص،،للدرجة متخلقة،للدرجة حشامة ،،للدرجة ملايكة متكلمش الولاد!!لا مش للدرجة اما كيفاه يتوقعو مني نتحل في الكلام مع نااس منعرفهمش،،

ناس عمري ما ريتهم قبل،،اول مرة يقروا معايا،،اول مرة نشوفهم،،ياخي عيب انو واحد يبدى جابد روحو مالناس!!عيب انو يحس روحوا مرتاح كي يبدى وحدوا وميكلم حد!!ولينا نعيشوا في عالم اللي القعدة فيها مع شخص واحد ترتاحلوا عيب وحرام،،يا سيدي انا منرتاحش كي نكثر لصحاب،،

عندي صديق واحد نرتاح معاه،،عندي شخص واحد كي خويا نحبو نعش أخلاقوا،،تربيتو،،تصرفاتو،،رجلتو،،علاش كي نبدى قاعدة وحدي الناس الكل يكرهوني وكي نبقى معاه يخمجو مخاخهم ويقولوا حاجات عيب،،

نحير فيهم كيفاش عندهم وقت باش يخممو هكا،،كيفاش عندم الوقت هذا الكل باش يطلعوا كلام عليا،،للدرجة فاضيين شغل!!انا منعمل في شي غالط اما هوما كل ما يشوفوني معاه يظلموني،،وكي نجبد روحي مالناس الكل نولي حقارة ونفخة وخايبة،،علاش الدنيا تمشي بالكعس،،ما عمري ضريت حد،، ما عمري وصلت حد بالخايب ،،علاش الناس خايبين هكا،،الدنيا تحتاج ناس ذيوبة وناس تعيض بالعين الحمرة مش بنية وتعمل الخير،،الدنيا ولات خايبة تمشي كان بهزان القفة والتنوفيق