عمركمشي حسّيتو اِحساس من اٌغرب الاٌحاسيس الموجودة فالعالم؟

هو اِنك تتوحش عبد من قبل حتى ما تشوفو و ما تتعرف عليه..

نبدأ سارح بينك و بين روحك تستخايل في وجهو ملامحو حتى من عدد البوسات خال اِلي زادين فيه الشطر؟

تبدأ اكتتخيل في اِسمو في مظهرو في وهرتو و ما عندك في مخّك كان دقّات قلبو..

توحشتوشي عبد لدرجة اِنكم تخترعو اي نوع متاع تضحية على خاطرو تتخللو على برشة حاجات تحبوهم و تحبو تعملوهم على خاطر العنين اِلّي تعشقو غزرتهم قبل ما تشوفوهم..

على خاطر الصوت اِلّي تستحلاو رنتو و عالريحة اِلي تدمنوها...

تخيلو رواحكم تحبو حاجات علخطرو و تكرهو حاجات على خاطرو زادة و موش في جرتو تخيلو حياتكم قدّاش ممكن تتبدل نهارة اِلّي تلقاو العبد اِلّي تلوجو عليه و يستحق حبكم غن جدارة و باِستحقاق تخيلو الفرحة اِلّي ما ينجم يسرقهالكم حتى حد على خاطر ربّي مكتبهالكم و على خاطر مقدرلكم تعيشو معا بعضكم حتى لين الموت تهز واحد فيكم..

تخيلو اِلّي ما ينجم حتى واحد فيكم يكره الاخر خاطر اِلّي بيناتكم اقوى بياسر و حد ما ينجم ينكر هذا...هاي يالي نحكي عليك.... نحبّك قدْ صبري فالدنيا...