نحبّك
Nour Souissi - نور السويسينحبّك كيف تتلهّى بيّ..
نحبّك حتّى كيف تنساني وما تسألش عليّا...
نحبّك كيف تحكيلي عالميكروبات والبكتيريا والكائنات المجهريّة...
نحبّك كيف تحلم بخدمة الصالح العام وتشاركني مشاريعك المستقبليّة...
نحبّك ونعشق الحكايات إلّي تحكيهملي واحنا مروحين في train مهديّة....
نحبّك كيف تهرب بعينيك من عينيّا...وماتخلّيهمش يفضحوك ويقولولي إلّي هوما يموتوا عليّا...
نحبّك كيف تسيّب خدمتك وتعدّي معايا الرّاحة بين الصباح والعشيّة... تحكيلي على تفاصيل حياتك اليومية
نحبّك...ماقلتهاليش...ومانعرفش كان بش يجي نهار وتسمعها وذنيّا...
أما هاني آني اليوم إلّي نقولهالك "نحبّك نحبّك ونتمنّى يجي نهار وتكون ليّا..."
نور السويسي
Website Design Brisbane