يا توانسه فيبالكم بش تحتفلو بعيد جليل ياخي غدروكم بجنازة قتيل في عيد جمهورية ينفذو الخطة الإرهابية و كان بش تسكتو ماهياش بش تكون آخر عملية و بش تكثر الإغتيالات السياسية يزي لازمنا نعرفو شكون إلي قتل و يرتاحو التوانسه الكل


نحبو نعرفو الحقيقه قبل ما تشعل في البلاد حريقه شنوا تستناو من دوله بلا دستور دوله شعبها مقهور و رئيسها لاهي بعصفور نواب مجلسها منافقين و أحرارها مغتالين و القتله مش معروفين وين ماشين؟ باللي صاير مكمش فايقين؟

شكون قتل شكري بالعيد و محمد براهمي نهار العيد؟ ما تقولوش تيار إرهابي جيبو الجديد دخلو الديار في النهار و يتمو الصغار ملا عار! خرجوه مالسبيتار و تحط في قائمة الرجال الأحرار دم شكري بلعيد و محمد براهمي في رقبتكم يا مجرمين الحق لازم يظهر و أحنا بش ناقفولكم مناش قاعدين

مكمش بش تسكتو الصوت معاش نخافو مالموت يا قاتل مصيرك تتشد حتى لو كان تتخبى في كرش الحوت .. قلقتكم شلاغم الرجولية؟ قتلتوا إلي ينادو بالحرية يكون في علمكم مناش بش ننساو القضية .. و لالحكومة نحملو المسؤولية و ماهياش بش تتعدا سلامات و بش تتجبد الدوسيات