نتفكرك
Fatma Hajjej - فاطمة حجاجنتفكرك،
كيف تكثر همومي و مانلقا صدر حنين
نتفكرك،
وقت فمي يسكت اما لداخل قلبي ينين
نتفكرك،
كيف نرا غيري حياتهم كيف المنقالة
نتفكرك،
كيف نخزر لروحي و للحالة
نتفكرك وقت البكا و الاحزان، وقت تتسكر عليا البيبان، وقت يضلام اليل و الناس نيام ... نتفكرك ...
نتفكرك حتى في الفرح... الي ما يكمل بلاش بيك ، وقت الزهو الي يذبل بعيد عليك ، في كل لحضة حلوة ناقصتها انت
بسيف عليا نتفكرك ...
نتفكرك نرحم عليك و نتمنى في حلمتي نلاقي
نضمك و نشبع بيك نشمك نحسك نملى الفراغ الي فيا من نور عينيك ...
و نتمنى الحلمة بيا تطوا
و نقلك هزني معااااااك ياااامي وانت تقلي لطف عليك وقتك مازال...
فاطمة حجاج
Website Design Brisbane