الوقت وحدو ينسي يبكي يضعف  و يقوي ..

يلين الحجر و يجمد قطرات المطر ...

رجع بيا الوقت العام لتالي القلب صافي و المخ هادي نعيش لروحي و الضحكة متفارقنيش رغم إلي داخلي وجيعة صعيب ياسر يحملها حد و يعيش بيا .

الضحكة متفارقنيش خاطر منحسش مخدرة منخممش منخسرش و منتقلقش ،

دخلت إنت لحياتي و رجعتني نحس نفسو هو الوقت سنسني بيك خلاني نعيش بيك نخمم فيك أكثر من روحي .

علاقتي بيك صالحتني مع الجنس الذكري .

مع الوقت تربط إسمي ب إسمك  رجعت نخمم و نحس .

كيف منحس بالفرحة نحس بالوجيعة إلي الوقت منساتيش فيها .

إحساسي بيك خلاني نخاف نخسر . نخسرك و نخسر قلبي معاك .

نخاف لا الوقت يبدلك عليا .

نخاف لا الوقت يخليني نخسرك بعد ما كنت منحيا من قاموسي كلمة خسارة .

زعمة الوقت شنوة لمخبيلي معاك .

و أنا إلي مراهنة بحياتي معاك .   

الورقة الرابحة ولا لا ،وحدو الوقت يحدد .