ماني قادرة

femme-douleur-dosSouha Najlawi - سهى نجلاوي

ماني قادرة على هواه

و ماني قادرة ننساه

ما أكثر الليعة

و ما أكبر الدا و الوجيعة

ماني قادرة ع الصبر

و لشكون نرد الخبر

هو لحبي ناسي

قلبو بعد الحب ولا قاسي

كنت في عينو القمرة المزيانة

و في قلبو قداش كان حنانة

و توة هجرني و ما نعرف عنوانه

يا أهل الوفا و البر

أشكون يعرف ليه خبر

يردني للغالي يولي العازف

و نولي ليه وتر

يولي الليل

و نولي ليه قمر

يولي العاشق

و نولي ليه سهر

قلبو توة ولا حجر

و نا متحملة و عافسة ع الجمر

يا ربي يا عالي

مصاب يرجعلي الغالي

في بعدو مطولها الليالي

و في هجرو ماني داري بحالي

هو اللي تمنيتو يكون حلالي

و على جالو بعت الرخيص و بعت الغالي

و لا يهمني لا في الناس و لا اللمالي

بكيت دم مع الدموع

و طفيت بيدايا الشموع

ندعي لربي و نصلي في خشوع

باش يرجعلي محبوبي

و تضوالي كل دروبي

و يولي حبيبي هو مكتوبي

بعدو نا نسيت النوم

و غنياتي أم كلثوم

و في قلبي قداش شلت هموم

لحبي ماهو هتفكر

و للعشرة ياسر متنكر

الجو بيناتنا يصفى و يتعكر

لكن هالمرة ماعاد ليه حل

نا ربط على رقبتي الحبل

و في بعدو نل ذقت الذل

إلي حب حصل

و عذاب الحب ما يقدر عليه جبل

و نصيحتي للعشاق الكل

مهما جرى و مهما صار

ما تتفارقو حتى نهار

نا ليكم عبرة

و من حبو ماني قادرة نبرى

و هو ماهو ناوي يسامحني

بالعكس زاد عذبني و جرحني

كلامو زاد دمرني

كيف قلي شلتك من بالي

لا راعى إحساسي و لا رحمني

نار الفرقة لهيبة

و دموع عيني قريبة

نستنى فيه يقولي سامحتك يا لحبيبة.

بقلم سهى نجلاوي


ماني قادرة