السلام عليكم

نداء الى جميع التلاميذ و المسؤولين
نحن قسم ثالثة آداب ١ بمعهد الزهروني
يااا نااااس رانا في خطرررر .. عايلاتنا ماهمش لعبة في يدينااا

كل يووم ينقصو منا تلاثة و أربعة تلامذة بعد ما يفوت الفوت و يعدي غيرو
كنا ساكتين خاطر نشوفو في الأعراض و ماعندناش دليل
اليوم جانا خو طفلة كانت معانا البارح بجنبنا و روحت آخر وقت مشات عملت تحليل طلعت بوزيتيف و خوها جاي بلاش بافات و يتكلم و و و ..
مافماش حتى طريقة وقاية في المعهد لا بافاتات لا جال لا تباعد لا شي و الي يمرض يجي يقرا تقلو علاه جاي يقولك لا grippe عادي شفاها .. و بعد من غدوى يبعث ميساج يقول راني طلعت بوزيتيف
جينا نكلمو في الإدارة قالتلنا شكون الي كان قاعد مع المريضة هو الي يجينا والباقي كل واحد يحس بالاعراض يخرج !!
علاه عايلاتنا كراسي هوما ؟؟؟ 

ماناش عباد ؟؟؟
تمشي للهاوية القراية قدام صحتنا و عايلاتنا ..
كي واحد فينا بش يكون سبب في عدوى عايلتو شكون بش يحس بيه ولا يعوضو !!!!
أرواح الناس ماهيش لعبة في مقابل منظمة فاشلة ..
نحنا كنا31 تلميذ توا 15 تلميذ كهو الباقي بعد ماجاو و حضرو وقعدو معانا شدو ديارهم و قالولنا رانا بوزيتيف و عندنا الوثائق الدالة
و ليسينا لا فيه نظافة و لا فيه وقاية و لا فيه حماية طواول ممسخة طوالاتات تعيف مايهمهم كان في الطبلية و الكرطابة و السراول مقطعة ولا مش مقطعة ...

كهوووووو هنااا و ستوووب عايلااااتنا ماناش مستغنين علااهم
كي بش يوصل واحد لا قدر الله يتيتم مش بش تجي للة الوزارة البية تنفعو و تعوضو على خسارتو ...

شوفولنا حل ماناش لعبة بيدين المسؤولين..
نحنا مستقبل البلاد ماناش حيوط بش يهدونا و يبنونا كيما يحبووو ..
ثالثة آداب 1 بمعهد الزهروني