مازلت مشبعتش بيك

Hanene Bennouri - حنان بالنوري

مازلت مشبعتش بيك..

مازلت مغطيتكش كي تبرد...

مازلت مسهرتش عليك كي تمرض بقريب..

مازلت مشربتش قهوتي معاك ..

مازلت منعرش كيفاش تقوم في الصباح تضحك و لا تيراتلك لسما

مازلت مقتليش اللون اللي يخرج عليا و الوقت اللي تحبني فيه اكثر

مازلت معنقتنيش و مجريتش ورايا في تراكن الدار

مازلت مسهرتش نستنى فيك

مازلت مطلبتنيش و انت شارب بش تقلي كل شي

مازلت مضحكتش كي تبدا انت تتمقعر

مازلت متنفستكش

مازلت منعرش الشتا و الدغى بلا بيك

مازلت الليالي مرة ...

وانت ماكش فاها

مازلت منعرش قهوة كيفاش تحبها ..

مازلت ملبستلكش الروبة اللي تحبها مازلت ممشتيش انا وياك وسهرنا للصباح مازلت متعلمت منك شي

و مازال كل شي انت فيه شي

مازلت منعرش شنقول كي انت تتكلم ...

مازلت نتدعثر من غزرات ...

مازلت مجريتش انا وياك كي تشدنا مطرة عل غفلة مازلت مشدتليش يديا و قتلي هيا لنتفخو

مازلت نحب عينيك و،عنادك كي تشد صحيح

مازال كل شي فيا هو فيك

مازلت منعرش نكتب كلام انت فيه

بقلم حنان بالنوري