ماحلاك و معزّك يا تونسية

Khouloud Hriz - خلود حريز

أش باش نقول و قاداه باش نحكي

وانا ماني الا بنية .. مالقدا اللي يقللك مقدية

و مالمخ كامل و رزين مادامني تونسية

انا اللي كي نحب و نحِن .. نعطي عينايا و برَّا نقولوا شوية

انا البنية الحنينة و لشكون باش نطلع غير لميمتي نور عينايا

انا الي نتغشش ، و في لحظة نمسح دموعي و نقول هادنيا هاذي شنية ..

انا المرا الي مالبرا قوية .. و من داخل تبربشها تلقى طفلة صغيرة تضحك متخبية..

انا المرا الي تعمل خاطر للناس و مش بسهولة تاخو قرارات مصيرية ..

والي تسامح و تعمل وذن عروس بعمرها ما كانت و لا تنجم تكون بوهالية ..

و ماحلاك كي تجبد روحك بشوية بشوية

و شكون فينا يا بنات بلادي ما ندمتش

و على أبسط الحاجات ماتحرقتش ..

شكون اللي ما حزنتش و عالمخدة مانهارتش .. دموعها ماحصرتش .. ؟

شكون منا حيّة ماماتتش .. و يتعدّى

الليل و ما رقدتش ..

علاش العينين ماتغمضتش ؟ ربي يعلم و مايفوتش

محلاها البنية.. و اه كانها تونسية .. القلب الرقيق و الذات الصبورية ..

و يا عيني على كالضحكة والقلب الا مبالي و البرودية

يطلع الصباح و تقوم أكا المزيانة التونسية .. كانو لاصار و لا كان و لا مالبكاء صبحو العينين جبونية ...

ماحلاك و معزّك يا تونسية

كلمات : خلود حريز / الصورة ل : حذامي القاسمي