ماتفهم المرا كان المرا

Rihem Ben Alaya - ريهام بن علية

ديما دجي على بالي و نتخيلها

ديما دجي في خيالي و في عقلي نصورها

نقول كان ربي بعثها للدنيا كيفاش كانت زعمة تكون

أزين مني ؟ أذكى مني ؟ اقوى مني ؟

ضحكتها وبيوضية قشرتها ،والخوصة الي مزينتها ،ولون عينيها زعمة على انا لون كانت تكون

وكان جات... دجي تشبه لشكون ؟

اختي الي ربي ما بعثهاليش ، نصي الي من صغرتي ماعنديش ، شطر شري

الي كي نفد منها نهبطو ريش ،اللفعة الي نخبي علاها سري ومانضويش

ونحكي والا مانحكيش تفهمني وتحسني من الترميش

Si seulement j'avais une soeur!!!

تعرفو ؟؟!

كلامي للي مايعرفوش

انو الاخت نعمة ، في وقت الشدة والغصرات

وقت التعب والغصات

وقت الي الصاحب والصاحبة زعما زعما صحاب

وناس على العنين زعما زعما حباب

وفي القفا كلاب ..

وكيما يقولو ماتفهم المرا كان المرا

وانا من داخل بلا بيها زوز نساء

بعد الي الاخت ربي مبعثهاليش وانا معاش صغيرة ، كبرت وحتى كي نتعب نخبي وما نشكيش.

بقلم ريهام بن علية