لحكاية حكاها وسمعتو ... صدقتو ... مايهم كان صدقتو ... ما يتبدل شي كي فهمتو... حقرتو أي حقرتو ... صحيح بكيت و ماجاوبتو ... صحيح تذليت ملي سمعتو... قدامي حيط دخلتو...
حمرت و صفرت و كلامي خلوضتو ... خذيت دقيقة باش لهوا تنفستو...

رجعلي سيناريو عامين في وقتو.. شفت الخايب و الباهي لي ضقتو.. عامين يسواو عمري لي فتو .. جاتني تصوتو في بالي تبننتو..

هزيت الشهقة و خبيتها بالضحكة و صدمتو ... القوة لي فيا زرعها من قوتو ... خذيت الكلمة و جاوبتو... و هذا لكلام لي قلتو...هذا أش سمعتو

(حكيت على صاحبك و غدرتو... في ظهرو سيدك طعنتو.. ونسيت لي قدامك هي لبتو ... ما إدور عليه حتى لو كان إنت خنتو..  قيمتو غالية و إنت إسمك رخصتو ... كلامك ما صدقتو .. وكان تحلف بربي و رسولو لي عمرك ما عرفتو... في محنتك نسيتها معاك وقفتو... كليت من خيرو و نكرتو ... ما تستاهل يقول عليك كان صاحب و في نهار عرفتو ... ما تستاهل في وجهك بزقتو... يبقى عقدتك و قلبك مالغيرة منو مرضتو ... جاي تحكيلي و وجهك سودتو ... بعبوس الكلب إنت عوجتو ... نزيدك وإلا يزيك ظاهرلي كلامي فهمتو ... هو في القلب سكنتو ... و إنت البزاق إلي في فمي عليك بزقتو .)

هكا بكلامي صدمتو ... عليت حبيبي و هو زيدت قهرتو ....هز روحو و مشى كالكلب لي في عينو عورتو ... هزيت التلفون و حبيبي كلمتو و بكلمة حبيبي زدت على مرمتو .....

ماتحكيش على الصيد قدام لبتو