قاعدين أني وصحابي شايخين... من هموم الدنيا مرتاحين... من حكاية لحكاية سارحين... على كاس قهوة ناصبين...

نتفرجوا في فيلم وعلى زين الممثل دايخين...فيلم كامل فمتنا حالين...يحبهاويستنا فيهاوحلف عمرو ماينساها...

غزرت وحدة وقالت آه ياقلبي لحنين...وين نلقى واحد كيف هكا وين... وأحنا في تونس من كل شيء محرومين ...

لولد التونسي ياناس هو الي خترع موضة اللحاس...خاطرو بكل بساطة انسان بهناس...تحل فاسبوكو تلقاه (abonné) على (mimi) و (lili) و (kiki)... على خاطر لابسين (bikini)...
يحط (photo de couverture)؛(intelligence is sexy)...أما لكلمة لخرة ما تمثلو كان العريان أكثر من المكسي...قدام طفلة لباسة و فياسة ياسر(galant) ياسر(sympa) ياسر (marrant)...تلقاه يعرض في خدماتو وعضلاتو وهوما كان نفعوه راهم نفعوا الي ماتوا...

يفهم فالكورة،يحب الريال و برشلونة...يحب (pique) أما كان تسألو على حاجة في التاريخ تلقاه كعبة لا...من كثرة لكلام الزايد فمو نتن والأفكار المريضة المعششة في مخو زادتو عفن على عفن... لولد التونسي الي ما يقدر حد تلقاه في الشارع ونساء متعدية بالكلام الزايد عامل مسد... يحب يخرج ويلبس (signé) و يتصور مع الشخطورة ألي مصروفو عليها مشا... مصروفو ألي ياخدو.من عند بوه كل ليلة... و نهارة ألي قالو قوم أخدو عاوني قالو تاعب وما بيدي حيلة...

الي يطلع في الكار يبدا لاسق في لبنات ماشي في بالو عامل أفار... لولد التونسي الي مع أختو نوع و صاحبتو نوع ومبعد النوع من النوع...لولد التونسي الي والي والي... أما لاباس مازال فما لخير... كي تشوف طفل يعاون في مرا كبيرة مازال فما لخير...كي تشوف ولاد حومة يقدروا بنت حومتهم تعرف ألي مازال فما لخير... كي في ليل و شتا يسبقوا بنت كلاسهم في لواج خاطرها طفلة تعرف الي مزال فما لخير... كي تشوف ولد لمثل متاعو مش (joueur) تعرف الي دنيا مازال فيها لخير

لفيلم وفا واحكاية ماوفاتش... وفي لخر لبطل ماماتش... هو ما نساهاش وهي ستناتو... عاد قالت صاحبتي كان جينا في تونس راهي مشات وخلاتو... شنوة شندوروها بنات توا... خليوها للحلقة لجاية..