لو كان جيت جاري
Feriel Askri - فريال العسكريآه لو كان جيت جاري و دارك مقابلة داري
يولي الشباك فرشي نبات و نصبح فيه
نعد الدقايق و اللحظات باش نشبح خيالك و نلاقيه
في جنينتكم نزرع وردة و كي تضحكلي نعمل زردة
نولي نجري كي الفرخة من كثر الشيخة و الفرحة
و كي تطل م الشباك ننظر بالسرقة بالدرقة ..
تي نولي نعشق القضية على جالك
و نولي كل ساعة جاية لدارك
ندق الباب بظفري و تخرجلي امك تجري
تولي هي الخضار و المكتباجية و العطار
تبهت و تقلي ميش قبيلا خذيت الثوم ؟
أما هي ميش عارفة اللي أنا ما علياش لوم
نشد راس النهج و نستنى نلاقي ظلّك
و عمري ما نسمع كلام اللي قالو الغرام يذلّك
خاطر بيه القلب يطير و يحلّق
و تلم كمشة حجر و كل ما تتوحشني تضرب ع الشباك
أما خسارة ماكش ولد الحومة
و ملاّ غصّة و احلة في الڨرجومة
فريال العسكري
Website Design Brisbane