دخلت لعروسة محلاها لمكياج ياسر مواتها اما الضحكة في فمها مش في عينيها و عريسها يمشي بحذاها  دمعة في عيني انا مش في عينيها، انا نعرف إلي في قلبها و جواجيها مش هو اليوم إلي يمشي معها،

ناس لكل تضحك و فرحانة ليها و هي مسكينة مخنوقة و تحس في الدنيا ضيقة عليها ، غناية إليسا " حالة حب " تمشي و لكل يغني معها كان أنا و هي مذابينا يبدلوها مهياش ناقصة باش يزيدو يكملو عليها لكلام إلي في لغناية يطلع كان ليه و ليها اما هو اليوم مش معها ، نشد في دموعي بسيف و مانيش  عارفة نبكي عليا ولا عليها خاطر انا زدا عايشة الحالة كيفها و معها، تي لحاصيلو نعمبو الدنيا إلي خلاتها بيا و خلاتها بيها ...