شي اينطق.. يستفزوك  باش تخرج من سينتك و تظهر  السواد الي فيك ..وقتها تولي بيك و عليك..كلك خيابة و حد ما يطيق يخزر في عينيك..تولي القلب الأكحل  و حد ما يدور بيك..
على فكرة هذا الي حبيتوه انتوما تشوفوه ، و طبيعتي تعلمت هي زادا  تتبدل حسب الوجوه..

وقت الي اتحس روحك تعبت و تجرحت ابعد و خلي الحدود بينك و بين الي كان أقرب الناس ليك..تعلم كيفاه تتصرف بعد كل رجة تصيرلك ..و تعلم من كل مشكلة تعدات عليك و كل خسارة و

كل صدمة صارتلك و خليها درس تنجم تعاونك يوم غدوة و تسد عليك..

تعلم تحب روحك وتكون صاحبها مش مع الغير ضدها ..عاونها و دللها و خليها تقوى بيك..

على فكرة هي حياتك انت و طاقة التحمل تخصك انت و روحك انت..و أي حاجة تصير باش تتحمل مسؤوليتها انت.. حد ما عندو الحق يقلك هكا تعمل و هكا ما تعملش ..كمل ما يهمك في

حد و ما تسلمش..هذا حقك انك تكون مرتاح و ما تأيسش.. مع رضاية ربي و والديك حد ما عندو القدرة انو ياقف ضدك ..

بالرغم الي مكبش يجبدك التالي و يطيحك لازمك تاقف على يديك و ساقيك بكل جهدك و تكمل، دافع على روحك على الضعف الي فيك الي ما لقيتش حد يدافع معاك عليه و يحميه و تقوى بيه..دافع على روحك و ما تبينش الخوف و الهزيمة الي ساكنة فيك و ما تقولش تعبت ..

كون قوي لروحك و الدمعة الي ورا ء ضحكتك ما تخليهاش تغلبك .. و ثيقتك تعلم ما تعطيها كان لوالديك ..تعلم تكون خبيث ، أي خبيث باش ما يعديها عليك حد و يضحك عليك و يقول أهوكا غلب ..و وقت ضعفك كي ما تلقا حد معاك ، تلقا روحك تداويك ..#انت رغم ضعفك و كسرتك و  تحطيمك قوي أي قوي و باش تكمل..على خاطرك انت قاوم