كان ياما كان في قديم الزمان بلد اسمو تونس مزيان اما الناس عايشين في كبت وحرمان مالحاكم الطاغية وانسابو الجرذان نهار الشعب كثر بيه الظلم قام عمل ثورة ضد الطغيان بهت فيها العالم فرانسيس عرب و امريكان و عاشو الناس ايامات على بعضهم حنان عسة في الليل يد وحدة كانهم اصحاب واخوان في كل الاحياء عملو لجان وعداو ليالي يعسو على الحوم وقدام البيبان يقسمو اللقمة وكاس التاي غني وفقير ولابس وعريان ...

ماتو شهداء وظهرت احزاب على كل الوان والشعب عمل اتخابات وروح فرحان في الحرية والكرامة طمعان عطا ثيقتو لناس في بالو معاهم المستقبل مزيان لكن بعد ماشدو الكراسي خانو وعودهم ونساو الشهيد والبطال والجيعان وتلهاو بالهوية و الشرعية والأديان وباش يلهيو العباد ولاو يشعلو النار و بعد يهبطو تكذيب في بيان .. اليوم الشعب تايه وحيران وموش عارف شنوه اخرة هالاحزان زعمة يفرجها ربي وتتحل البيبان و لا يزيد الهم ويكبر حتى يولي طوفان وتونس بلاد الامان تصبح الله لا يقدر تونستان !!