أول مرة حكينا قتلي شبيك ما ترددتش قتلك شبيني ، قتلك حبيت وبعد 5 سنين قمت على خبر عرسو ، معادش فما صدمة أكثر من هكا ، قتلي تهنا ، هنيتني ، قتلي عمري ما نجي نهار ونقولك ليوم عرسي ، وعمري ما نخليك ، خليني نرجعلك ثيقتك بالعباد ، سيب روحك ، أصدم معايا ، تحب نطيشو رواحنا بالبراشوت ، قتلك نحب ، قتلي ملا إحسب روحك توا بش طيش روحك معايا ، هي فيها ثقة كبيرة ، خاطر الحكاية كلها مرهونة في نزلة في لحظة كان ما ننزلش بش نموتوا الزوز ، عالاقل هنيتني في حاجة ، إلي كان فما موت راو بش نموتوا الزوز ...

منعرش علاش انت حبيت تفصلني على كيفك ، حبيت تقولني في توحشتك وانا ماخلطش نتوحشتك ، حبيت تقولني في نحبك وانا ما حبيتكش ، حبيت تخليني نكلمك وانا ما نحبش نسمع صوتك ..

نتفكر قداه من مرة عليك تغششت ، كي حكمت عليا نبدل مريولي ، خاطر اللون ما عجبكش ههه ، نتفكر قداه من مرة خلتني ندهن فمي بالروج وانا ما عينش ، مع اني انا أصلاً نحبو أما إنت كرهتني فيه الأحمر ... حبتني نعمل كل شي إنت تحبوا وما همكش انا نحب ولا لا ، قتلك خليني على راحتي ، انا مانيش هكا ، محبيتش تصدقني .. حبيت تبدلني لوحدة عمرها ما كانت انا .. حبيت تزيفني ..

قتلي مانيش كيما الرجال الكل ، ههههههههه نسيت إلي إذاك شنوا يقولوا الرجال الكل ..

المشكلة ألي نهارت إلي انا صدمت ورميت روحي معاك بالبراشوت وحبيت نوريك انا شكون و حبيتك تاخوني كيما انا ، كيما انا خذيتك كيما إنت .. ونحنا قريب نمسوا فالقاع ما نزلتش عالفلسة وما حليتش البراشوت .. والمشكلة الأكبر إلي إنت منعت عكسي أنا ..

ونرجع ونتفكر إلي إنت ماكش كيفهم ، ماكش كيفهم جملة ، إنت أتعس منهم ..