Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
قداش بكيت
Ahlem Driouech - أحلام دريوشقداش فرحت كي ريت الفرحة في عينيك
قداش فرحت كي أولى كلمة صادقة كانت ليك
قداش فرحت كي كتبت أول جواب ليك
قداش فرحت كي غنايتي لولة غنيتها ليك
قداش فرحت كي رغم تعبك نلقاك حاملة تعبي ليك
قداش فرحت نهارة ريت ضحكت قلبك و عينيك
قداش فرحت نهارت قالولي متشابهين تقول فولة و تقسمت على إثنين برغم عارفة أش جيبني ليك
قداش فرحت بأول تصويرة خذيتهالك و ين تكلمني نشوف هكا الضحة و الزين
قداش فرحت كي جيت تحت جناحك مش تحت حتى جناحين أخرين
قداش فرحت بإلي قوتي جات بك
قداش فرحت بإلى هروبي منك و ليك
قداش بكيت كي بعدت عليك
قداش بكيت كي مرضت و خفت على دنيا بلا بيك
قداش بكيت كي وجعوك و رغم وجيعتك لا بكيت و لا شكيت
قداش بكيت كي تعبت و مقدرتش نواسيك
قداش بكيت كى نشوفك تقوى في ناس كل و أنت ما يعلم كان ربي بيك
قداش بكيت و نا نخمم فيك
قداش بكيت من وحشي ليك
قداش بكيت كي شفت شقوق إيدك و ساقيك
قداش بكيت كي أول شيبت بانت فيك
قداش بكيت و نا نذكر أش عنيت و أش تعدا عليك
قداش الكلام يخوني و نا نحكى عليك.
أحلام دريوش
Website Design Brisbane
Tags: