قداش العمر
Hanene Bennouri - حنان بالنوريوتعدت السنين و السوايع و تعدى كل شي
تعدت وجايع اكا العام تعدت غصراتي الكل
تعدت الضحكة الي تبدا عالية لين يجي بابا ويقلي نقص حسك
تعدى صغري
صغري الي عديتو نحلم بيك
حرقت الي كتبتو الكل عليك
مع كل ليلة باردة تعدت عليا و انت بعيد
كبرت عشرة سنين أخرين
تعد ا الشتا و الصيف و الشتا و الصيف وانا و انا في اكا البلاصة لنجمت نقدم و لا نجمت نوخر
نقول بالك بالك نهار نهار المنامه تصدق بالك نشوفك نحس بيك
بالك نعنقك اكا التعنيقة متع الافلام
و الشفة كي تشرب الشفة
و الرونديفوات متع الشهقة
و الروح الي تتعلق فيك
والدنيا الي نقلبها كي منلقكش حذايا
و القهوة الي ما تخلى كان بيك
توحشتك توحشتك وانت ماكش موجود
توحشت وانت في خيالي وانا شادتك و منحبش نسلم فيك
توحشتك كل شي فيك
توحشت النهار الي معرفتكش فيه
ايه قداش الكتيبة تخمرني تزيد عليا و تجلي
قداش العمر
العمر
قداش مني فيك و قداش منك فيا
قداشك مش موجود و قداش شاد صحيح بش نراك حتى في الحلمة
ونرجع لشون أمي في هل الليلة للنوحشة و نرجع شادة فيك
كيما الولية و،الصالحين
بالك تنغر عليا السيدة المنوبية
وبنية جمال
و تدزني ليك
نحبك....
حنان بالنوري
Website Design Brisbane