في ليلا و نهار رقدت و قمت أما مش كيف لعادة ليوم قمت و انا ماخذة قرار بش ننساك و بش نرجع كيف كنت و أقوى بش نقرا و ننجح مش بش نضيع بلاش بيك بش نقوم كل صباح نحمر و نكحل نلبس و نخرج نمشي نقرا و نرجع لصحابي و خدمتي و لحاجات إلي نحبهم

و مش بش ننساك بش نخليك حاجة باهية صارت في حياتي و خذتها مني لموت و وعد كل يوم نمشي لجبانة نقرا لفاتحة على قبر انسان منعرفوش أما في مخي انتي إلي موجود غادي الله يرحمك دنيا متاقفش على ناس ماتو ... كان بش تاقف راهي وقفت على بابا كيف مشي ....

كل حاجة تاخو وقتها انا أحلامي و طموحاتي أكبر من راجل و عرس و فلوس طموحي أكبر من إنو نكمل حياتي نستنى فيك بش ترجعلي ليوم بش نمشي لعبد يعرف قيمتي بش نوصل و نكمل معاه انا فسخت حكاياتنا و صوتك إلي مسجل ف تليفون و في وذني ليوم انا انسانة جديدة قصيت شعري إلي انتي تحبو طويل و أكحل و حمرت و كحلت و لبست أحلى روبا عندي و خرجت مع أعز أصحابي إنا مرتاحة بلاش بيك و مخليت شي يفكرني فيك ليوم انا قوية كيف عرفتني و عرفوني ناس كل رجعت انا قبل ما نعرفك طفلة ضحكة ما تفارقهاش محلاها و ما نجم حتى راجل يغلبها و كيف قالو سلاماً على من أبعد نفسه بنفسه