تعرفو أنا شعملت اليوم؟؟ ماو عيد ميلادو ...بدلت دبشي و كحلت عينيا المحوقين الذابلين كحلتهم بش يبانو حلوين و خرجت مشيت وين كان كل يوم يجيني و بوسة على الجبين يعطيني مشيت و غادي سرحت ياسر و بكيت و بعد هزيت روحي و مشيت و شديت تاليفوني و ستنيت ... وبعد طلبتو طلعو شحسر عليا؟؟

عيشك تو حتى أنا نهار عيد ميلادك نقلك كل عام و إنت بخير!!

لا لا متقليش أصلا أنا معاش نحب نعيش ...معذرتنيش و محسيتنيش و فيبالي حبيت و هاك ضهرت محبيتنيش ...ميسالش الكل يهون أصلا أنا لباس غير بركا بكيت للي تسكر عليا النفس و شوي لا تشليت أما لباس ...

تعرف غايضني حالك والله ماتقول ياليت و تعيا وإنت تنادي و تدادي و تقول راني غيرها مالقيت و أحن منها ماريت و في طيبة قلبها لا صار و لا بش يصير ...أما ميسالش نعرف روحي للات النساء نطيح و نقوم ...

منيش في طرح بوكس بش نخسر كي يفوتني الوقت و أنا طايحة صحيح أنا ننزف أما ميسالش نبقى طايحة برشا و مصيري نقوم أما إبكي على همك طيحة اللي إطيح معاش تقوم ....وحتى كي تقوم تعاود إطيح...صحيح مش إنت خترت البعد و لا أنا حبيت هكا الدنيا حكمت و أنا بحكمها رضيت أما إنت تمردت عليا و طغيت و وجعتني برشا و بسيف حافي ذبحت الروح لي تعلقت بيك أما ميسالش مايدوم حال

اليوم كل شي وفا ...اليوم حلفت عليك ...نكذب كان نقول معاش نكتب وإلا نحي عليك أما حلفت عليك لاعاد نكلمك ولاندو بيك و حتى كي نراك نعمل روحي ماريت و إلا نخليك ترا و تعرف لي أنا ريتك و طفيت

متستاهلنيش ...و إدور إدور و حتى أنا متلفانيش

#ياغالي_سايي_وليت_رخيص

#تخلويض