تعبت قلقت و فدٌيت من تخمام برشا عباد ملٌيت...كل واحد و الطلعة إلي يطلع بيها..يا أنا من عالم مصنوع مالهبال يا هوما عندهم ياسر خيال تجيهم يمين يجيوك شمال طفلة عاقلة و متربية تجيهم فال أنا نقلك سيدي و إنت أعرف قدرك ناس بكري قالوها و برشا عباد ما حبوش يفهموها

الطفلة إلي تحبوها كيما تقدركم قدروها إلي تحطكم في عينيها أعرفوا وين تحطوها موش تمرمدوها و على خاطرها حشامة تحقروها.إلي يحب وحدة ماذابيه يخاف عليها و كيما أختو يحميها و كيما قال المصري يتقي ربنا فيها.

نشوف في برشا "رجال" تخدم في مخاخها على برشا بنات و إلي يزيد يبهتني في عجب ربي إنو جايبها سي السيد كان مع خواتو و هو عامل حالة في بنات الناس إلي يقول عليها معقدة في أخر حلقة.الحاجات هاذي راهي صايرة بالحق و حتى حد ما حب يقول كلمة حق شي يفدد شي يقهر شي يركب السكر!