غلْ،  كره، حقد،  قلّة أصل،حيلة وتشيطين وطلامص في العينين ..! هذا الكل في قلب واحد معندوش قلب واحد زعم انوُ جاب صغار باش يكونوا ضحية لعيشة مسخة كان عايشها في وسط ام راجلها طلقها بسرقة عليها باش يهرب من جبروتها و شرها اللي زرعتوا في قلوب كلابها  "اعمل ياخصيب تصيب.." الف مرّة نسأل روحي علاش مايتصلحش ياخي المريض ماينجمش يبرا؟!

شنوة ذنبو الصغير كي بوه هكا علاش تفرخ كي انت باش طيّش؟! ياريتها جات على حد باش ترمي ضناك اما يلزم يعذبو و يمرمدو و يحرمو و يركبلو غصة على خاطر صغارهم نقمة ليهم ناس محرومة منهم و ناس تتمنى فيهم وناس كان تلقى تعفس عليهم!! ،  هذا علاش  الواحد منا باش يكمل يعيش حياتوا يلزم ينحي قطعة من بدنو..

عمري ماننسى اللي صار فيا القلب فايض والكبدة مشوية،  نمشي في الشوارع عقاب الليل ومخي حابس عليا،  دنيا معكوسة وروحي في دوامة ماعندهاش ثنيا، لاحدْ عاضرني ولاحاسس بيّا ،  يا لنْدرَا العيب فيهم ولا فيا!! الحمدالله فما ربي مالفوق يخلص الحقوق و مايضيع حق حتى مضلوم يمهل ولايهمل كيما بعد الشدة فرج وبعد العسر يسر...   عمري الصغير شاف برشا

على كل لون يا كريمة في همو عندك ماتختار  زعمة في الحالة هاذي ينجم يكون في احسن حال ولا الغصّة دُوم و تطوال!!؟