عايروني بيك يا قلبي

رصيف اﻷمل

عايروني بيك..

و قالو دغفة وعداتها عليك..

عايروني بيك..

وقت عشت سنين حياتك تمشي معاهم بطيبة النية إلي فيك..

عايروني بيك..

وما حسبت حساب إلي ممكن في يوم تغدر بيك ..

عايريروني بيك يا قلبي..

كيف كنت كي الأعمى وآعطيتها اﻷمان وصدقت كل كلمة قالتها ليك..

عايروني بيك..

كيف طمنت روحك و سلمت حالك لليل يحضن رموشك ويغطيك..

عايروني بيك..

في الوقت إﻵ هي ساهرة مع غيرك وقعدة تضحك عليك تلعب بيك

عايروني بيك..

بعد ما غفرتلها و سامحت كل خديعة لحظة دموعها بلت حوايج الرحمة إلي فيك..

عايروني بيك..

و بضعفك و قت قلتلها إنتي حياتي و محال نسلم فيك..

عايروني بيك..

وقت الكذب كان يجري في دمها و الصدق كان طبيعة متأصلة متغلغلة فيك..

عايروني بيك..

ومسمعتش كﻵم ناس حذروني منك و ﻵموني عليك..

وتوه أشرب كاس المرارة إلي بسم الغدر سقاتهولك..وآترشف الليعة والحزن إلي فيك ..

خاطرك تستاهلو و تستحقو..و مواتيك.

رصيف اﻷمل

Website Design Brisbane