ليوم آخر نهار صحابي يكونو فيه معايا،،عام تعدى حلو ومر ،شوي مشاكل وبرشا ضحك ،،برشا تنرفيز اما برشا حب،،الحب اللي حرمتني منو الدنيا ،،خاطر معنديش أخت نجريلها كي نبدا نبكي ،،معنديش أخت نشكيلها همي ،،

معنديش أخت نحكيلها اللي في قلبي،، عديت حياتي نعرف النافقة وأختها،، والععام هذا تبدل كل شي،، ضحكنا بكينا ،هملنا ،كلينا ، نتذكر نهار اللي وحدة فينا تبكي لخرة تحمل لخرة وتبكي معاها،، تنسيها هموم الدنيا ،،نتذكر وحدة منا تبدى فرحانة لخرى تفرح أكثر منها لفرحتها،،

محلاها الصحبة هكا ،، محلاها الدنيا وخيبها كي تبعدنا على أعز الناس لينا،،صحيح الدنيا صغيرة ومش باش تفرقنا اما البعد صعيب زادا،،صعيب تتعود بحاجة وفي ليلة ونهار تخليك ،،انا هكا ،، تقول طفل صغير فكولوا حاجتو وبدا يبكي ،، وفا العام وكل حد شد بلاصتو ،، ماعاش نخرجو،،ماعاش نهملوا ماعاش نعدة بالسوايع نخزروا لبعضنا ونضحكوا على أتفه حاجة،، حسيت روحي وحدي ،،ضايعة ماعاش نعرف نتصرف،،هوما قوتي ،،هوما عينيا،،أخواتي ،،بالدنيا،،أصحابي ،،كلمة صغيرة قدام محبتو ليهم ،، أخوتي وشوي فيهم عالمحبة ،،هوما اللي كي نطيح يوقفوني مرة أخرى على سقيا،،هوما اللي كي نبكي يمسحولو الدمعة في عيني ،،أخواتي ،، هاجر ولمياء،،بالدينا،،أغلى ما ليا،،