عام ،عام تعدى ،ملي مشييتلك وعلى قبرك حكيتلك ،شفت ليام قداه تجري ،عام تعدى وعاودت رجعتلك ،تعرف في العام اكثر حاجة توحشتها هي قعدتي معاك ،نحكيلك ،همومي نشكيلك  ،تمشيش تقول نستني وبدلتني ،يا عمري والله لا نسيتك ،رجعتلك بش نقلك مخيبو فراقك وحتى لو كان 4سنين تعدو ،بلاصطك في لقلب هيا هيا ،شيء ما تبدل عباد مشات وعباد جات ،وانا على حالي  ،

نبات نبني في لحلمة ،بش في الصباح نطيح لي بتخمام الليل بنيتو ،جيت بش نشكيلك نعرف لي انت قاعد تسمع فيا ،جيت بش نشكيلك ماللي عملوه لعباد فيا ،زيد المرض والدنيا كملو على ما بيا ،جيت بش نقلك اختك،عشيرت عمرك قهروها والقلب لي عندها  كواوها ،لشكون بش نشكي غيرك ،بكاوني ،

اما تعرف في لي صاير لكل مانيش نادمة على كل حاجة عملتها وقلتها ،مشيت بنصيحتك ووصلت وليوم تأكدت لي انا قاعدة نمشي في الثنية الصحيحة ،صحيح طويلة وظلمة ،اما وراسك ومعزتك في قلبي و بقدرة الخالق لي خلقني وخلقك مانوصل ومنكون كيما تحب انت ،ليوم جيتك بش نقلك راني توحشتك ونتمنى لو كان جيت معايا ونكملو لي بديناه، نتمنى لو كان مشينا مع بعضنا في ها الثنية ،اليد في اليد ،اما هذا ربي شحب ،جيت بش نقلك  كيما انت تسمع فيا وقت منستحقك ،وراس الحب لي جمعني بيك عمري مننساك ..