عالم اخر
Siwar Boulehmi - سوار بولاهميويحكيو على حكاية لا عندها أول من اخر
حكاية صارت في عالم .. على دنيا بنينة ويّد حنينة
على عين زرقة وضحكة زينة
كيفاش تحبوني نحكي على ممو العين ؟
كيفاش تحبوني نوصفو و نوّفي الدين ؟
ستيلويا نشح حبارو .. من كثرت مستنيتو سنين
نستنى ونقول حبيب قلبي فين ؟
وتعدات لياّم وصار إليّ مكانش عاللبال
والحبييب ولاّ غريب لغريب ولاّ حبيب
وزهات الأيام وبدات احلام ..
منغيرمنطّول عليكم لياّم .. نعيش في حكاية كالمنام
وليت فرحانة نغّني .. قال شنو صانعة فنّي
نضحك من عيني إلّي يراني يقول شبيني ؟
حبيت وتحبيت .. فرح قلبي وتهنيت
حطيت يدّي في يدو وقتلو إنت الراجل إلّي تمنيت ..
أما خسارة نسيت إلّي أحنا في بلاد الحب فيها تنكيت
إلّي يحب فيها يمرمدوه، يقلوه ..
تي ملاخر بلادهم عالحيط
على هذاكا هربنا لدنيا أخرى .. دنيا بعيدة عليهم
نعيشو فينا لينا مش ليهم
صنعنا منها جنّة و سميناها " طزّ فيهم "
في ثنيتنا مشينا وكلمة نحبك كانت أقوى مافينا ..
نطيحوا ونقوموا ومن بعضنا ما فدّينا ..
تعرفوشي علاش ؟
خاطرحكايتنا لا عندها أول من اخر..
حكايتنا صارت في عالم اخر ..
سوار بولاهمي
Website Design Brisbane