ستحاشتك
Hanene Bennouri - حنان بالنوريستحاشتك اي ستحاشتك توا ثلاث سنين ملي تفارقنا
ثلاث سنين كبرت فاهم الف سنة
ثلاث سنين
تعرف شمعناها ثلاث سنين تعرف كيفاه تعداو عليا
صوتك ما حبش يتفسخ من عندي
و خيالك و عينيك و غزرتك
وحنانة البو الي كنت تصدمني باها
كل ما نقلك راني خذيت هوا قوي
و كل متخرجة راحة تكلمني تقعد تخرنن عليا بش نشرب الدوا
أول مرة جبتلي فاها شركة
و قتلي كل ما تغشش مني البسها
شيختك غليا و انا نشرب في قهوة باعد مخذيتها معجبتنيش
مشاكلك اللي كل ما كنت نسهلك علاهم تقلي ما نحبش نتذكر و ما نحبش نتعبك معايا
وجايعك اللي خبيت عليا
غنايتنا اللي كنا نسمعوها و احنا قاعدين نتفرجو في المطر
المسرح اللي تعاركنا عليه و في لخر مشينا
دلالك ليا و كل ما نفد منك
تسكتني بكلمة يا روحي
وقتك اللي عطيهولي
و،كل مرة تنازلت فاها و،هبطت خشمك بش ترضيني
اول تعنيقة عنقتهلي
عينيك ماكانوش مزيانين اما كانت عندك اشب غزرة يغزرها راجل لمراة
تفارقنا خاطر مراة وحدة ما تكفيكش
و خاطر الشتا وانت وانا منجموش نتلمو
لبارح ريتك في قهوة
تبدلت عليا
ما جبتش صغار
و قعدت لعنة تبع فيا حتى كي عرست و جبت الصغار ...
حنان بالنوري
Website Design Brisbane