امس و أنا نعمل في سياحة فكرية.. تعديت على برشا مناطق ريفية .. و شفت برشا ناس منسية.. ناس تعاني..

تعاني مل البرد، مل الفقر، م جوع..

ناس في الصيف شاقين و محروقين.. بحر الشمس

و في الشتاء تاعبين و متجمدين بالبرد..

ناس ما تعرفش الراحة..

ناس في كروشهم جواعا..

ديارهم لا تحمي من حر القايلة.. و لا من برد الفجاري و الليالي..

قلبي ذاب كي شفت أم تشيع في ولدها لمدرستوا.. و على كتفها هازا كرارسو و كتبتوا.. تحب تنقذوا بالعلم بش ما يغرقش في الجهل .. بش ما تعيشوش اللي عاشتوا..

اما خسارة كيلومترات بش يوصل لمعلموا و معلمتوا..

قلبي ذاب كي شفت راجل يحطب بش ينقذ ولادوا من صقيع الشتاء و بردو

قلبي ذاب كي عرفت الي أحنا عايشين حياتنا و ناسينهم..

سامحونا..

فيني الدولة من هذا؟

تبنولنا في المدارس!!

اي صحيح تبنولنا أما كان في المدينة..

اي فما سبيطارات اما كان في المدينة..

اي فما كل شي نستحقولو أما كان في المدينة..

سامحونا..

ليوم ما عادش تقولوا تونسي لتونسي رحمة..

كان جا صحيح رو حد ما يبات شبعان وقت جارو بصغارو جيعان..

راو الأحزاب ما استغلتش الوضعيات هذي كان قبل الانتخابات..

راو كلنا يد وحدة..

أما خسارة اليوم كي تفقدت الرحمة من قلوبنا..

خسارة كي نسينا الي هوما كيفنا توانسا..

خسارة الي نسينا

أهلنا و ناسنا ..

سااااموحونا..