ساعات نسئل روحي أنا علاش عملت هكا جيست نحب نعرف علاش أنا نتحدى في روحي بالقوة هذي؟ و إلي غاضني إني كنت نعرف شنوة باش يصير كنت نعرف شنوة بالضبط لي باش نوصلو و هذا لي قهرني علاه نكذب على روحي بالدم البارد

كان جيت نجم نرجع الوقت لتالي برشا حاجات ما كانوش يصيروا برشا جروح ما كانوش يتحلو تعرف المشكل لاخر وين؟ إنك تسبب لروحك وجع عميق دائم تتعايش معاه و يقعد يتبع فيك لين تموت هو ماهوش جرح ليك إنتي برك للناس لي دايرين بيك زادة صدمتك في روحك كبيرة أما صدمتهم أكبر مهما تحاول باش تهرب و تنسي روحك يجي نهار تغمض عينيك تهبط دموعك تعرف شنيا في القلب من داخل بركان يغلي أش باش تعمل وين باش تمشي ؟

يوصل بيك الألم لين تقول ما صاب جيت في حلمة إنتي تحاول تصنع لروحك حاجات جديدة و تتجاهل الألم لي في داخلك لكن المشكل ديما تبقى النقطة في الأعماق تقتلك بالوجيعة ..