رجعت لعزّها
بقلم رحمة القرقني ورييي ورررري نجحت؟
نجحت اي، خذات الباك
ايا مبروك...
وفا الصيف،
لقات روحها في بر غريب
بعد عزّها و دلالها
سلّمت في دفا عيلتها
و شدّت صحيح
قالت نمشي نعش في بلاد الناس
هوكا منّي نقرا منّي نتعلّم المسؤلية
مشات و يا ليتها ما مشات
تعرّفت عليه و هو كبير عليها
لحسّلها مخّها بشويّة دلال
مشا في بالها لقات راجل
باش تتهنّا كيف اندادها
حبّتو المغبونة... و ياليتها
قاتلو نرا الدنيا بعينيك
مستعدة نسلم في قرايتي و نولّي خديمة لوالديك
الطفلة شريفة و خاتيها
أما صحيح كيف قالوا الحب يذهب الشيرة
امشي يا زمان و ايجا يا زمان
و هي تتخبّط بين نارين
و تقول غيرو ما نريد
نهار قهوتها في يدّها حلت الفايس بوك
تلقا تصاورو هو و... خطيبتو
هبلت مبوبة السعد و قاتلو ثو تبطّل و تاخذني
مسكينة قداه تحلم...
تعداو لأيام و عرّس و هي كملت قرايتها
روحت و رجعت لعزّها
بكات و غردت أما... نجحت-
سهرت و خممت أما وسط أهلها و ناس تقدرها
صحيح وحدها أما الي تطلب تلقى
في الأخر لاهي مسكينة لا شي
أما دعا والدين
ربّي يحبّها منّعها من الشقا..
و هوكي تحلم و تطمح و لا جبل يوقّفها
حاسيلو... محلاه رضا الاوالدين
بقلم رحمة القرقني
Website Design Brisbane