…درة
Monia Messoussi - منية مسوسي ...إسمي دلال وعمري أربعة و ثلاثين سنة، واصلة ياسر في قرايتي ونخدم في خدمة بلڨدا
...بما انو أنا الكبيرة ،نزيد على درة أختي عامين، عشت كبيرة في عينين أمي وبابا
...كنت ديمة المعلاق إلي يعلقوا عليه أحلامهم
...تو تكبر دلال وتولي طبيبة ...تو تكبر دلال وتولي مهندسة ... تو تكبر دلال وتولي استاذة...تو تكبر دلال وتولي سفيرة
...كبرت وكبرت أحلامهم معايا وبالوقت ولات أحلامي أنا
...كبرت وفي مخي حاجة برك ... دلال مالزمهاش تكون حاجة عادية
:تعداو سنين و بعد ما فتنا الخمسة وعشرين وليت أنا ودرة نسمعوا في حكايات اخرين من عماتي وخالاتي وناس مخلطين
...أيا فماش حويجة...أيا قريبشي نفرحو بيك
أنا عملت روحي مافي باليش وكملت ثنيتي و حياتي إلي اخترتها وأختي سمعت كلامهم وخذات بخاطرهم
"بش يفرحوا ويشتطحو و"يتهناو
...تخلات درة على إلي تحلم بيه
..."اختارت باش تسمع الكلام و خذات راجل ماتعرفوش و يحب "يربيها على يديه
...تعداو توا ستة سنين كبرت و وليت استاذة جامعية
...ومازلت مكملة الثنية
...نشاطات فنية وثقافية و سياسية وكل طموحي اني نكون مرا موش عادية
...عندها وزن وقيمة في وسط هالمجموعة البشرية
وقتي معبي أحلامي وطموحاتي بلاش سقف
... طايرة بين هواء وفضاء ... فرحانة إلي وليت مرا وللات النساء
...نعدي نهاري بين محاضرات و ملتقيات ،معارض وندوات
نعدي نهاري مستمتعة بحياتي أنا إلي طول عمري نحلم بها خاصة وأنها زادت عطاتني الإنسان إلي مشجعني و هازز معايا .
أحلامي الكل
...بعد هذا الكل كيف نروح للدار قلبي يوجعني
نحل الباب
...يعرضلي مالك
...وليد مزيان عمرو أربعة سنين
...مالك ولد درة
...أهوكا فتتكم بالحديث...درة طلقت ليها عامين
...طلقت وعندها صغير على خاطرها مانجمتش تكون درة
...راجلها خلاها على خاطرها كانت تلعب دور النسا الكل وعمرها ما لعبت دور درة
...خلاها وخذا مرا تعرف روحها
...وتوا كيف جات درة تفركس على روحها ... مالقاتهاش
...ضاعت درة بين السلبية والخوف مالمجتمع والتقاليد وكلام الناس
شكون توا ينجم يرجع درة ؟؟
***
درة ودلال زوز نساء يعيشوا معنا في مجتمعنا ،وحدة أمنت بروحها و سخرت الدنيا والعادات والظروف باش يخدموا ... أحلامها والأخرى سخرت روحها للظروف وقررت باش تكون مرا موش هي باش ترضي مجتمع مايرضيه شيء
بقلم
منية مسوسي
Website Design Brisbane