نحب نكتب عل الوجيعة في ورقة ونحرقها

نشطب كل سطر حزين ونخلي كان اسطرة الفرحة

ننسى كل الموت اللي زارتني مرة

ياحليلي قدااشها مرة

لكلها ضلمة

معبيية قهرة

كسرتني تقولش علاهم رماو علي جمرة

بدات تقربلي وتحرق في

تقولش علاها وڨيدة قاعدة في النار تغطس في

كل حاجة في بدني توجع في

حاجة تاكلي في الخلايا الجسدية

تخلطت بدمي ومسختو بطريقة خيالية

حاسة ضلوعي قاعدة تتكسر شويا شويا

كااإنها تقلي:خرجو علي

راني معاش نجم نقاومو

ماعاش نجم نقاتلو

راو مرمدني،،غلبني،،واخيرا بش يقتلني

لحضتها حسيت الدنيا دارت بي

وعيني بدات تتغمض شويا شويا

كبشت يدي في البطانية

وبعد ماتغمضت عيني

ريت روحي في بلاصة كالحياة الوردية

بعيدة عل العيشة السودوية

كيف إلي العيشة فيها هنية

باش تنسيني الغبنة و السوسة لي عاشت و تغلغلت فيا و في جواجيا

لقيت روحي في عالم تمنيتو كيف كنت كيما يقولو في عمر الأزهار

عالم كلو صغار و فرحة و نوار  

حتى كيف إطسح النهار

حتى كي تظلام الدنيا يتواصل المشوار

مع ليلة ضاوية

و أحلام فانية

ونجوم عالية والوانها حامية

اماا ااه عاودت حليت عيني

والوجيعة عاودت رجعتلي وقوات  علياا

عرفتش شنعمل

زعمة نفييق امي ونشكيلها علاا همي

ولاا لاالاا نخااف كان تتحير علياا  

رجعت كبشت في البطانية

حاسة ب حاجة قاعدة تهبط شوية شوية على وذنياا كاينها تتسلوس و زعما أنا صغيرة و على نية

أما ملي طحت في هالثنية

ما عاد حاسة بروح و لا بطفولة فيا

عينيا تحلت على هم و غم يجي ورا غم

و شعراتي الطوال المسرسبين كي فقدتهم حسيت بقرصة و حرقة في الكنين و شوافري مليانين و زيادين الشطر في السر و الزين

حتى هوما ضاعو و خلاوني كيما الأخرين

مشاو وخلاوني مع سوسة لاملة ولادين

شوية شوية تنهش في

وتقتلي في الصغرونة اللي فجواجي

قاعدة تحتل في

وزادت كملت علاامابي وجيعة بحذاا صدري الايمين

يااااا أمي رااي تقرص في

تقطعلي في لحمي وتجرتلي فيه

داايا كثر بي

واناا والله العضييم. لااعاد في

تي حتاا من دواايا وفاا عليا

و النار نهار بنهار تزيد تشعل فيا و تقوي فيا روح المسؤولية عليا و على البدن لي تهد و ما عمرو باش يتڨد حتى لو كان حنطوه و و في قالب مندي حطوه

حتى الصوت لي ملعياط تسد ومانجمووش يسرحوه

حتى القلب اللي مل الوجيعة طااب ومانجموش يداووه

البدن اللي بمرور الاياام ذااب ومانجموش يرجعووه

حكايتي اناا وكااالسوسة ياقاتل ياامقتول