خرجتك بعد سنين
Rim Wrak - ريم ورقمعناها نحب نخرجك من وسط التراب و نعاود نغسلك من اول و جديد
و نخرجك بعد سنين من قلب الرحى من غير ماياكلك الصديد
معناها توحشت شدت هاك الايد
نخلوض و برى
توحشت نقلك ياللة
و تتبختر قدامي و تتمشى خطوتين صحاح بفيانة مرسومين و البقية على حرف السكة يتلاوحو سكارى و بثملة شايخين
زوز يعسو على نملة
تحفر في حفرة و قصر و بوسة شفة
وانتي دواء و اللطف عليك مالداء
و منك منحبش نشفى و يعطيني بعزا
كان نهار في غزرت عينيك نترزا
خلي يقولو مسكين غلبتو مرا
و هربت بيه و شڤو الخلا
خاتر انتي الماء و انا صحرا تحب تتروى
معناها نحب نخرجك من بين ضلوعي و عمق جروحي حكاية لجنون القايلة تتحكى
و ياسادة يامادة ماعاد حاجتي بشهادة
نارها شاعلة نحب نطفي حريقها
دلوني على طريقها
صايم لتوا على ريقها
و نحب رشفة و نفس
و يزيك و اخطانا مالحشمة
نستنالك فيها عندي برشا
قداه بش تقعد من بعيد تعس
معناها نحب نخرجك من وسط التراب و نعاود نغسّلك من اول و جديد
نمحيلك ذنوبك و نعمل منك ملايكة ماتترى بالعين اما تتحس بين دقة قلب و ساعات دقتين
قلي كيفاه يديا يجريولك مني هاربين
بين رموشك و خصلات شعرك متخبيين
عجب
سحر و عليا تقلب
و خرجتك بعد سنين من قلب الرحى ...
ريم ورق
Website Design Brisbane