خالط عليك
Rim Wrak - ريم ورقانتي اللي تحب الليل
و تعشق المطرة و الڨمرة
و السماء و نجومها
هيا كي ترعش من خوفها
غزرتك كي تغير
حباري كي يوفا
و الدنيا كي تعكس
و اوراقي كي تطير
لساني كي يسكت
و حروفي كي تشمت
و ضحكتك لي تخليني نحير
نجريلك كي طفل صغير
من فرحتو كان يلقا يطير
و انا نحب نطير
و الطريق طويل
و البيبان قدامنا مسكرين
دنيا كلبة عاكستنا في ثنين
توحشتك انتي فين
قلي نجيك منين
و انتي ممو العين
كي تقلب نهارك ليل
و تبيع الڨمرة بالشمس
و تنسى طويرك
خيرك في غيرك
كي مالوحش تعمى عينيك
مالمشي تفشل ساقيك
كي تتوحش حبيبك و يطير عليك النوم
كي الناس عليك تلوم
و انتي راسك معلق فالغيوم
كي تعكسك الدنيا
و دموعك مالقهرة تسيل
كي ماتلقا بيها وين
تهرب في نص الليل
و الطقس مطر حزين
كي انا منجمتش ننساك
تحت التراب ممدود خليناك
و انا لي نهواك
وانتي النفس لي كنت فيه نتنفس
و انا توا مخنوق
و النفس عليا مقطوع
كي نغمض العينين
و نتفكر حكايات سنين
و انتي اسمك محفور عالجبين
الهروب منك منين
و انتي ربي حبك
و عندو هزك
شاور شكون و انا لي فوق الحب و اكثر مالحب نحبك
منجم كان نعصي ربي و ربك
و نجيك
خالط عليك
ريم ورق
Website Design Brisbane