Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ثلاثة شهور ..
Yasmine Ben Romdhane - ياسمين بن رمضانتسعين يوم و انا كل يوم نقوم بالفجعة ، و انا نخبي في عيني الدمعة ،
تسعين يوم ، اما الحقيقة يوم بركا ،
نهاري نعديه و انا مانعمل في حتى حركة ،
الكيف يطير ، و تبلاح الدنيا ،
مخي يخدم لين يتعب يفد ، النوم يهرب و يدخل بعضو ، و الشاهية تتقطع تتسد ،
ماعينيك بش تحكي مع حد ،
من العباد الي تحبهم تبعد ،
تبدى تحب تشكي اما ماعينكش بش تحكي ،
اما شكون بش يفهم ،
الي انت مهمومة ،
مخنوقة ، تستنى في حاجة مش مفهومة ،
تمشي في ثنية ماخترتهاش ،
تغزر باهتة و ضايعة ،
لين تلقى روحك غارقة ،
ماتنجمش تتنفس لين تولي مخنوقة ،
ترى في الناس تتبسم ،
و انت تلوج في سبب بش تكمل نهار اليوم ،
مانيش عارفة مني و لا منهم ،
مانيش عارفة يا نسكت يا نسكتهم ،
اما حتى و انا ساكتة ، في راسي جواجم ماتسكتش ،
في الليالي ، يهرب عليا الالهام ، و مانلقاش الكلام ،
طار الكيف ،
خاترني وليت من تخمام العباد نعيف ،
تي انا روحي حاملتها بالسيف ..
ياسمين بن رمضان
Website Design Brisbane
Tags: