...كبرت وحلات

...ولات حكاية ...لا برشة حكايات

...حكايات مش كيف الحكايات الكل

...بش تفهمهم لازم تعرف وين بداو والبلاصة على شنوا إتطل

...دار عربي فيالعلي

...عمرها محسوب قريب المياة سنا

...مبنية على عرص زمنية ... وخدمة الصنايعية دايرة بيها من هنا ومن هنا

...كيف تدخل تلقى كتب وثريات وكراسي وفوتايات

...موزيكا تعشق

...تخليلك قلبك منغير جونة يولي يعزق

...تزيد تطلع للسطح ... قلبك يتشرح

...مقابلك المعمور والأحباب بدات بيك إتدور

...مالأستاذللمهندس للدكتور

...وليدات وبنيات كيف الورد

...لمتهم تنسيك في المشاكل والنكد

...معاهم تشرق وتغرب

...مالقصبةللحلفاوين ... سيدي البحري باب سويقة العطارين

...من باب بحرلباب منارة  لازم تتعدى عالشواشين

...زناقي ونهوجات...الدنيا زيانت وحلات        

...حنة وحرقوس

...صياغات و جبة وكبوس

...وشق وبخورات

...حلاوي وجبونات

...قهاوي وديار تقول قصورات

...هوني تلقى كل شي

...و تلقى الضحكة و التبسيمة البنينة

...كبرت الحكاية وتوحد  الغرام

...كملت لمتهم و للمسرح هزتهم

...قالوا نزورو  قبة الهايم في الأصحار

...لقاو إلي راكب عالحمرة

...قاللهم صلواعلى النبي الخاتم المختار

...عقلهم شاشو الزيارة قربت والبنادر حمات

...وشايلله يا أم الزين يا جمالية يا للات البنات

...هاذم شوية من برشة غنايات في الزوي تغنات

...لمهم وليدمالوليدات إلي جابتهم المحروسة وكبرت وربات

...وليد متربي ومغروم باللبسة العربي

...دور به رجال وبنات منورين

...و خدموا خدمة تسوى نوم العين

...سناجق و داد ووشق

...ولمتنا بيهم تبركالله...سبحان ربي إلي خلق

...هاذوما شوية من برشا حكايات

...بيني وبينهم

...أصحابي أنا ديمنتات

...أغلى من دمع العوينات

...لمتنا عشقةالبية

...تونس عشقة وحكايات

...الكلام هذا  ليكم ومنكم وبيكم.

...و مانيش عارفةكيفاش بش نبعد عليكم

...جيجي...مينة...بنوت...ميسيليا...أمونات...طروق...وليد...سامي...الشيخ...الباران...مجدي...ازرو...معز...نحبكم