اللي سميتها أختي خليتني ومشات ، مع الأيام تبدلت و تعالات ، حسبتني إنسانة غريبة ، ,وعليها بعيدة،، كأني عمري ماكنت قريبة ، عمري ما حبيت نظرها والا حبيتلها حاجة توجعها ، ديما نحبلها الباهي وبالخير نودها ، تبدلت عليا وما عاش نعقلها ، تبدلت ولات عندها آك الضحكة الصفراء ،

تي قول ماللخر منحبش نحكي علاش تطولها ، تي قول بدلك الزمان وغيروك الناس اللي حبو يضرونا ، وفي اللخر نجموا يفرقونا ، اللي حبو عليه وصلولو في آخر حلقة ، حبيتك وحسبتك أختي

، عمري ماكنت نتصور باش يجي نهار وتتبدل عليا وتجبد روحك ونولي بالنسبة ليك تقولش عدوه ، مافيباليش تأثيرهم عليك ياسر قوي بدرجة انو تهون عليك العشرة

أما ميسالش ،القلب اللي حبك نرميه و ماعاش نتلفتلو ، القلب اللي حبك غلط فيك ، ظلمتو ، و عليك بكيتو ، وجعتو ، وبالخايب وديتو ، عمري ما تصوت تظلمني وتسمع كلام الغير وتبعد عليا، عمري ما تصورت بالسهولة هاذي تتخلى عليا ، ياما قلت أني انا أختك وعشيرتك وأقرب الناس ليك، ليوم خليتني بغصتني نبكي ، وعمري ما نرجع أخت ليك، خسارة فيك كلمة أخت ياللي دموعي هانت عليك ،كنت ديما نخزر لقدام وعلى كل غلطة تغلطها في حقي نقول مالها إلا أختي ، كنت ديما نقول صغيرة نعديلها على خاطرها أغلى حاجة عندي ، أما البنية الصغيرة اليوم كبرت وطفاتني ، شافت حياتها وخلاتني ،، وحدي ،، عاداتني ، وجعتني ، غرستنلي سكينة في ظهري وقلبي ،،، اما ديما نقول ربي يهدي ،، ربي يهدي اللي كان سبب في وجيعتي، كان سبب باش تتبدل من ناحيتي ، أما عادي يا أختي ،، تولدت وحدي وباش نموت وحدي ، منحتاجكش لا انتي لا أمثالك في حياتي ،