توحّشت كلمة بابا
Khaoula Bader - خولة بدرتوحّشتك...
توحّشت ريحتك
توحّشتك ليوم 8 سنين كنو البارح مشيت و خليتني ضايعة في الطريق
توحّشت نرقد عندك بين ضلوعك
توحشت نغرس راسي في صدرك
توحّشت نقوم و نرقد على حسّك
توحشت ريحتك في كل طرف مني
توحّشت ضحكتك و طلتك علي
توحّشت تبسيمة منك تغلغل في جواجيا
توحّشت نحملك لين يتقص النفس
توحّشت نتعارك معاك و نتغشّش عليك وتضحّكني
توحّشت نسرق منك البوسة
توحّشت ريحتك
توحّشتك و توحشتك و توحشتك
أكثر من آمس و اليوم
توحّشتك حتى وأنا عندك و بين إيديك
توحّشتك و انت راقد بين الصخر
توحّشت كلمة نحبك الي ماغير ماتقولها نسمعها
توحّشت نتخبى عندك و نتخبى وبضحكة تطلعني
توحّشتك و حتى ريحتك في دبشك ضاعت علي
توحّشت نبوسك و نعضك و نمرجك و تغلبني بالبوس
توحّشت نعنقك ونكبش فيك كالڨرادة وما نسيبكش و تبدا تفارع في تبعد في و انت تضحك في و تبوس
توحّشت خوخة من فمك
توحّشتك بالصوت تنادي على امي
توحّشت نسمع صوتك و رنتو في الدار
توحّشت و زعمة تسمع في
توحّشت لهوتك و دلالك لي مريضة و لا صحيحة
توحّشت نسمع سيبوها مدامني حي بنتي تقعد راسها عالي
توحّشت كلمة بابا في فمي
توحشتك يا اغلى ما في
خولة بدر
Website Design Brisbane