أحلى طقس ، أبن طقس .. مطر مطر مطر

يدي في يدك راسي على صدرك كنت قرسانا دفيت  بلحمك ألي لاصق في لحمي نحس فالنفس متاعك نار في رقبتي ضهري سخون و يدك باردة انتي مسيتني من ضهري و أنا لحمي قشعر

   حسيت بحاجة محلها غزرتلك ضحكت هبطت راسي قاسي قال شنية حاشمة و انتي تعرف إلي انا نتبهنس هههه درت عطيتك بالظهر و طغتيت أما نحس فيك و انتي مكبش فيا منتالي  و النفس متاعك في رقبتي

   تفكرت هذا لكل في نهار صبت فيه لمطر توحشتك و توحشت ريحتك و يدك و بوستك و شفايفك و بدنك إلي نعرف تفاصيل متاعو أكثر منك البلاصة الزرقة إلي في جنبك اليمين  نتفكر كل حاجة فيك كيفاش مرسومة حتى إلي ما عنديش فيه الحق ولا عندي فيه ملكتك و ملكتني تبدا تحسبلي في قداش من  بوست خالة عندي في بدني و كل شتا نعاودوا نحسبوهم ههه

توحشت الشتا معاك توا سيف ولا شتا و انا حاسة بالبرد بلاش بيك اه كان تعرف شنية مزلت نحس حتا لتوى ريحتك ضحكة عينيك النفس متاعك كيف دجي بش تبوسني كل شي نحس فيه لتو تقول قاعد توا  معايا  فقت من هذا لكل كيف تعبت مل وقفة و انا نطل من  الشباك لعل نشوفك متعدي و نشبع بيك أما وين كنش في حلم الحاجة الوحيدة إلي ما نجمش نعدها هي الطفلة إلي معك توا تعمل معها زعمة إلي كنت تعملوا معايا ؟

  كيف نخمم نار تشعل فيا هي تمس فيك و تبوسك و تكلمك وقت ما تحب و انا محرومة منك عند 3 سنين و 4 شهور و جمعة   توحشتك ربي يصبرني على غيابك أما نعرف إلي انا مزلت في مخك من غزرتك ليا كيف دجي العين فالعين  وقت نتقابلو صدفة فالحومة و شكون قال يجي نهار و ترجعلي ..  كيف ما يرجع الفرطتو للنار إلي تحرقوا تيرارارارارارارار

بقلم زينب الطرابلسي