تنجم تنسى ..

Chaima J. - نسّاية

كلامي هذا لكل بنية ...حاسة بيك و بوجيعتك

فاهمتك و وتعدات عليا ليعتك...

بت ليالي نبكي و ندادي...

تحرمت من فرحت كيما أندادي...

حبيت و مالحب مانابني كان تعبو وبكاه

محر وجيعتو و مقساه...

نحب نقلك لي انت الزين والعين

انت كحلة العين وحمرة الخدين...

انت اللي تسهر الليل ..

انت اللي تبكي عليك الكبير والصغير...

انت اللي ايديك تغزل الحرير

انت المتحجبة و انت اللي تلبس القصير..

انت المزيانة ...

انت العاقلة الرزينة ...

انت اللي تنجم تنساه و تنسى عشرة منو انت اللي تنجم تبكيه عوض ما تبكي عليه

انت اللي بيدك كل شي...

عبي وقتك ...انساه

خرجو من مخك ...متخممش فيه

عدي نهار مع روحك...حب روحك يزي ماليه حبيت

يزي مانحيت من فمك و عطيت

يزي ماعطيت و لا طلبت تاخذ ولا خذيت

يزيك ماعييت وبكيت...

حمر كالفم و زين الخدين و زيد كحل هالكعين و اضحك و انسى و اتفرهد و عيش

الحياة اكبر من انك تبكي عليه

وهو نهار متفكرك و عشرة ناسيك

وهو عامل فيها لانحبك لا نصبر عليك...

انت تبكي و تخمم فيه و هو يسهر يضحك وشايخ عليك..

انسى و لروحك عيش اضحك و عاود من جديد

الدنيا أكبر من انها تاقف عليه...

بقلم نسّاية