تحبّني نحبّك ؟
Sahar Zitouni - سحر زيتونيكلامي لي ما قلتهولكش خنقني
كل ما نرقد يزنّ في راسي و يفيّقني !
تحبّني نحبّك ?
عمري نعطيك و نموت ما بين يديك
نكملو لي بديناه و نبنيو لي حلمناه ...
ولّا تحبّني ننساك ?
كيما خرافات جدّايا و جدّاك
ننسى لمنامة لي فرحت فيها معاك
و ننسى التّعب لي تعبتو باش نكون بحذاك ...
ولّا مرتاح هكّا ?
حكاية من اللّيل للّيل
انت تدّلّل وانا على أرياحك نميل
عروسة باربي زيّنها كيما تحبّ , و أعمل فيها لي تحبّ
تلعب بيها في الظلام و تخبّيها خايف مالكلام
لا تحبّ منها لا كلام حلو ولا ملام
جيتك ورقة بيضا و أنت حبارها
مخطوطة فيها أسرارك و أسرارها
خطّ فيها لي تحبّ , نكتة ولّا قلب
أما ما تخلّيش الوقت يبدّل بياضها صفار ,
و حبّها ليك مرار
تحبّني نحبّك ?
بقلم سحر زيتوني
Website Design Brisbane