بلادي

Unis pour la Tunisie


Wided Zidi - وداد الزيدي

بلادي قادرة بش نحميها روضة من رياض الجنة نخليها بعرقي و دمي نسقيها و راية بلادي الفوق نعليها تونس الخضراء نسميها بدموع الأحرار نرويها بلادي ديما الفوق الفوق و إلي يخونها مصيرو في صندوق تونس حاشتها برجال مش بأشباه رجال حاشتها بإلي يطلع فوق الجبال مش إلي يعيش بين الحفر و يخاف من القتال...

 

حاشتها بإلي يبني و يعلي و يصنع الإنجازات مش بإلي يطالب بزواج القاصرات حاشتها بإلي يحترم الحريات مش بإلي يطالب بالحقوق و ينسى الواجبات حاشتها بالمفكرات و الباحثات و العالمات مش بإلي تعري صدرها و تقلك من المناظلات حاشتها بالمفكرين الكبار مش إلي يسكرو و من بار إل بار حاشتها بإلي يكون قدوة لاأخرين مش إلي يكون بلوة عالأخرين حاشتها بإلي يغير على ترابها مش إلي يتسبب في خرابها تونس غالية قدرو قيمتها مدام تاكلو من خيراتها و غلتها

 

وداد الزيدي

بلادي