برينافوريا 2
Sabrine Ghannoudi - صابرين غنودي لبارح شفتك ..
بعد عامين قابتلك..
صحيح فرحت.
و معاك طرت و جنحت.
أما تسخايلني سايي إقتنعت !
ولا من تعنيقك و بوساتك شبعت !
***
هه..! بالعكس شوفتك حيرتلي المواجع!
و ذكرتني في برشا فجايع!
يا صاحبتي، إنتي الحاجة الباهية
إنتي الطفلة الحنينة و الدافية
إنتي لي حبيتني محبة صافية
إنتي لي وقفت معايا في الظروف الخايبة..
***
يا أختي إنتي لي علمتني مالناس نرد بالي
وإلي الدنيا ما ترحمش و تظلم كان البوهالي
إنتي لي الحب عطيت
لفلوس مديت
مسحتلي دموعي كي بكيت
و باش تفرحني غنيت..
***
عامين كاملين بلا بيك
عامين مغير طبطيبت إيديك
عامين! يا صاحبتي موش شويا
تعبت فيهم برشا موش شويا
ماك شفت لبارح، الشي ظاهر عليا
بدني تاعب، قلبي تاعب، حتى عينيا
***
كي شفتك صحيح فرحت.
و معاك طرت و جنحت.
أما تسخايلني سايي إقتنعت !
ولا من تعنيقك و بوساتك شبعت !
***
إنتي الغربة .
إنتي أول -حاجة حلوة في الغربة..!
بقلم صابرين الغنودي
Website Design Brisbane