توحشتك قد السما قد وحش المهموم وغصتو في الليل قد دعوة المظلوم ورجاه توحشت وقع خطاك والهبال معاك سهراتنا لي ما توفاش تقشقيش الحناك والحديث عالوقت لي عديتو معاك توحشتك قد ما أنا نبدا نسمع فيهم يحكيو وندز فيهم بالركبة توحشتك يا ديني قد ما امي كانت تقلي شبش يقول عليك العالم وكنت نقلها هو العالم يامي ، دين الحب لي بلاني بيك قد منعمل فيها نسيت وشي

منجمش نكونلك الدا و الدواء

منجمش نهفتك ونريضك بكلمة

ومنجمش زادة نكون سبب في ضعفك والغمة

منجمش نخلي بيك ، بعشير عمري

ومنجمش نخليك في نص النص

حرت وانا المبلية بيك

حتار دليلي وانا عمال نعنكش فيك

شنعمل كي ربي بلاني بيك

تجيني ضعيف ببحة صوتك

نولي نرسم قلوب ععروقك

نسمع في شهقة روحك

وفي بالك إنسيتك تبربشني بالعاني

وكي تنطّقني تهرب عيناني

وكي تشد صحيح و تقلي مازلنا

نرجع عاملة فيها بالعاني

دين النهار لي تبليت فيه بيك

وما تبدّل شي إذا عملت فيها نسيت

انت اللي معاش نطيقك بالكل

اما فنفس الوقت انت الكل فالكل