نحن توانسة القلب تونسي الفم تونسي و اللون تونسي ..

انأ تونسية ميا بالميا .. مشيتي .. ضحكتي حكاياتي تفدليكي و كتيبتي تونسية حتى خشمي تونسي مرفوع ما يهبط كان للحق و ربي حق و الوطن حق لبستي تونسية في الصيف نتبحبح في جبة في السهرية نليس لمعدس نعوم كيما التوانسة في بحر معبي بالتوانسة نتبسم للتوريست نهز معايا ترموس تاي و الماكلة و في الشتا نتخبى عقاب لعشية بفرشية ونحط الوطنية انا حفظتو السبوعي اما نعاودو كيما التوانسة الكل ..

ضحكة صافية و قلب دافي .. انا نعرف ديني و جنسيتي انا تونسية اب عن جد .. نعرف ربي ساعات نصلي و ساعات نبطل .. نصوم رمضان و نزكي .. علاش تحب تردني افغانية نرى الشمس بفص العين اكهو.. و شعري يندي ..علاش تحبني جوانحي مقصوصة .. مخي جامد علاش تحبني منفكرش انا نعرف اش نحب اما انت مسكين لحسولك مخك و لتوا متعرفش ..