الليلة ليلة الڨمرة لكبيرة  الليلة ليلتك ههه صغرونتي كبرت  و ولات قوية !! تحبني نقلك هكا ‘‘ ؟ تحبنا نرجعو كيف قبل يا ڨمرتي ؟؟ يا مزيانة و انا اللي عندي معاك الف حكاية ! من اكا النهار لي غدرتني و انا مريتكش و مغزرتلكش لعينيك ! ههه من اكا النهار لي ريتك تبكي دم من وقتها ما ريتكش !!

توا غزرتلك لعينيك و الناس لكل هكا هكا بيك ! خاطرك كبرت و ضويت اكثر اما بالنسبة ليا محسيطت شي و بالعكس زدت تعمقت و عرفتك علا حقيقتك !! كبرت في عينيهم اما غدرتك ليا زادت وضاحتلي !! وضوك زاد بينلي وجهك الحقيقي ! شبيهم قالو تمناو امنية و تتحقق !

و هوما ميعرفوش الي امنياتهم لكل شتبكيهم بعد ؟ ميعرفوش للي الامنية تنجم توصلك وتنجم تتعما من ضوك خاطر حسب ميقولو هوما زادا الضو برشا برشا يعمي ! و زادا تنجم تضيع من الهوا لمڨلص ل قوي لي يهزها بعييد و تولي الامنية توحل في شجرة .. علاش ليوما بذات تفكروك فيبالك هوما زادا خاينين !

نتصور انهم يعرفوش علاش يحبوك ! زعمة في نظرك انتي انو كي ميعرش علاش يحبك يعني يعشقك !! هكا ؟ اي نتصور هكا صحيح اما زادا نتصورهم بتبعوا في بعضهم و يحبوا يكونو متابعين لكا لفازات تع العصر و لكل ! صحييح هذا لكل اما علاش ميغزورلكش في ليامات لخرين ! علاش ميعبروكش هههه انا علا ذاكة رديتك صديقتي في اليامات الغتبرة خاطرني كيفك بالمناسبات يجيو يحكيو معايا ههههه ويغزرولي و يسالوا علا احوالي خاطرنا كيف كيف وجيت حكيت معاك  ‘ و شكيتلك و غنيتلك وقسمت معاك الهم ماو يقولو نص الهم ولا الهم بكلو اما في لخر وريتلي دوبل الهم اما يعيشك