الڨلب الي يحب عمرو ما يتبدّل
Khouloud Zini - خلود زينيصحيح نحب نعيش قصة حب ..
عادي .. كيما أي طفلة ..
أما منحبش في لخر نڨول مشى و خلاني ..
طلع مش راجل ..
منحبش يجي نهار كي نتفكرك ..
نندم إني عرفتك ..
نندم إني نهار كنت ليك ..
نحب كيما بدينا نبقو ..
صحيح الدنيا تتبدل ..
أما الڨلب الي يحب عمرو ما يتبدل ..
نحب كيما أنا خيرتك من بين برشا ناس ..
نحبك تطلع في المستوى ..
منحبكش تكون كيفهم ..
منحبكش تكون قليل أصل ..
أنا كي اخترتك ما أخترتكش لا على زينك و لا على فلوسك ..
اخترتك على طيبة ڨلبك ..
نحب نكون معاك و نكمل حياتي معاك ..
نحب نكون ام صغارك ..
نحب نكون الحضن الي تتخبى فيه كي توجعك الدنيا ..
و نحبك تكون سندتي في حياتي ..
فرحتي و هنايا ..
بو صغاري و عشيري ...
أما أنا نخاف ..
خاطر الدنيا مافيهاش أمان ..
خاطر العباد الي حبيتهم الكل هزتهم ...
نخاف نضحك .. نبكي غدوة ..
نخاف تشدني الغصة و مانلقاش شكون يداويلي جروحي ..
نخاف منك و عليك ..
شفت الكلام هذا ..
حبيت نڨولهولك قبل ما تهزك الموت ..
قبل ما تمشي و تخليني وحدي ..
اليوم ..
حتى كان نضحك مش من ڨلبي ..
الفرحة بعدك مازارتنيش ..
انا حبيتك و للتو نحبك ..
و عمري ما ننساك ..
اما الله غالب ..
مكتوب عليا و وين نبدا نفرح ..
الدنيا تحرمني من فرحتي ..
انت كنت معايا راجل و سيد الرجال ..
أما الدنيا محبتناش معا بعضنا ..
ديمة على بالي ..
نتفكر أياماتنا .. ضحكاتنا ..
كلامنا .. نقاشاتنا ..
و همساتنا ..
ساعات ننسى انك بعيد ..
كنت و مازلت أحلى حاجة في حياتي ..
حتى الموت عمرو ما ينسيني فيك ..
انت عايش في ڨلبي لليوم ..
نحبك يا أغلى ما عندي .. "
بقلم خلود زيني
Website Design Brisbane